ذیابیطس
شوگر(Diabetic)
اقسام کی تفصیل:
1۔ذیابیطس کبدی:
یہ جگر اوراعصاب کی خرابی سے ہوتی ہے۔کثرت شراب نوشی اور زیادہ کھانے سے ہوتی ہے۔
2۔ذیابیطس عصبی:
یہ کسی مہرہ،سریا ریڑھ کی ہڈی پر صدمہ یا پھر کثرت مباشرت سے ہوتی ہے۔
3۔ذیابیطس معوی:
یہ آنتوں کے فعل اور چینی کے زیادہ استعمال کی وجہ سے ہوتی ہے۔
4۔ذیابیطس نقراسی:
یہ لبلبلہ میں خرابی پیدا ہونے سے، عورتوں میں امراض رحم پیدا ہو جائے یا پھر ہسٹریا کی وجہ سے پیدا ہوتا ہے۔
5۔ذیابیطس غدی:
یہ غدد میں خرابی،لبلبلہ کے فساد،کلاہ گردہ اور بے نالی گلٹیوں کی وجہ سےہوتا ہے۔
علامات:
اس مرض میں مریض کو بار بار پیشاب آتا ہے۔پیشاب اگر رات کو زیادہ آئے تو اس کی وجہ سے مثانہ اور گردے خراب ہو جاتے ہیں۔لبلبلہ کی خرابی کے باعث انسولین کے بہت کم مقدار میں بننے سے ہوتا ہے۔گلوکوز خون میں جمع ہو کر خون اور پیشاب میں آنے لگتی ہے۔ عضلاتی، دماغی اور جنسی کمزوری ہو جاتی ہے۔ہاضمہ خراب ہو جاتا ہے۔پنڈلیوں میں درد رہتا ہے جسم پر داغ اور چھاٰئیاں پڑجاتی ہیں۔ہونٹ خشک ہو جاتے ہیں۔ جسم میں کمزوری بہت ہو جاتی ہے۔بھوک پیاس زیادہ لگتی ہے۔ خون میں خرابی کی وجہ سے جلد پر خارش ہو جاتی ہے۔اگر چوٹ یا زخم وغیرہ بن جائے تو جلدی ٹھیک نہیں ہوتا۔بڑھاپے میں اگر کسی کو ہو جائے تو دل کے دورے پڑتے ہیں۔ مریض کے وزن اور توانائی میں کمزوری آجاتی ہے۔
غشی پڑنا،بندش حیض،ضعف باہ،چڑچڑاپن وغیرہ اس کی علامات ہیں۔
0 تبصرے:
ایک تبصرہ شائع کریں